Sábado 25 de Febreiro: Mesa redonda sobre a ENERXÍA EÓLICA

Sábado, 25 de Febreiro de 2012:

Lugar: Auditorio Municipal do Areal (Antigo Reitorado). Rúa Areal, 46,  VIGO

Horario: DE 17 h. a 20h. palestras e de 20h a 21h. mesa redonda.

RELATORES:

1. Charla: EMILIO MENÉNDEZ. Universidade Autónoma e Politéxnica de Madrid. – ENERXÍA EÖLICA EAVALIACIÓN DE IMPACTO AMBIENTAL.
2. Charla: DAMIÁN COPENA. Grupo de Investigación en Economía Ecolóxica e Agroecoloxía (GIEEA) da Universidade de Vigo - A ECONOMÍA DA ENERXÍA EÓLICA E SOBRE A GUÍA PARA PROPIETARIOS DE TERREOS AFECTADOS POR PARQUES EÓLICOS.
3. Charla: XOSÉ VEIRAS. Verdegaia - A IMPLANTACIÓN DA ENERXÍA EÓLICA EN GALICIA.
4. Charla: MARIANO TOMÁS. Avtivista do movemento “Contra parques eólicos de Valencia” – A LOITA VALENCIANA CONTRA PROXECTOS DE ENERXÍA EÓLICA.
5. Charla: IVÁN NOVOA. Técnico instalador de enerxías renovables – EÓLICOS DE PEQUENA POTENCIA E  USOS COMPLEMENTARIOS DOS RECURSOS ENERXÉTICOS.
6. Charla: PAULA VIDAL. Amigos da Terra - A EXPERIENCIA DO CENTRO DE EDUCACIÓN AMBIENTAL “AS CORCERIZAS”.

CHARLA INFORMATIVA

 Mércores 15 de febreiro ás 18:30. Asociación de Veciños Doctor Fleming. 

Rúa Zamora 80, entrada polo patio. Vigo. www.afleming.org

Charla informativa da Plataforma pola protección da Serra do Galiñeiro. Falarase dos nosos obxectivos como plataforma, as actividades que facemos, as ameazas ás que se enfronta a Serra, e o proxecto de polígono eólico.

máis información no 655143934

Charla informativa o vindeiro sábado 28 de xaneiro ás 7 da tarde no Centro Cultural de Erville.

A Conxellería de Medio Ambiente, Territorio e Infraestruturas comezou a tramitación do Proxecto Sectorial do Polígono Eólico da Serra do Galiñeiro co envio do Documento de Inicio ás Administracións Locais no pasado mes de novembro. 

Así é que o movemento social “Pola Protección da serra do Galiñeiro” segue coas súas actividades a prol desta causa: 

As distintas asociacións que compoñen esta PLATAFORMA declaráronse persoas xurídicas interesadas no procedemento administrativo correspondente para alegar ante o futuro estudo de impacto ambiental que presente a empresa Terra do Vento S. L., e así mesmo fixeron suxestións diante deste Documento.  

Os 39 MW preténdense instalar no Galiñeiro Norte, Campo Redondo, Coto das Forcadas, Galiñeiro Sur, A Paxariña e Coto dos Penidos, isto é nos Concellos de Vigo, Mos, O Porriño e Gondomar.  

Os concellos de Vigo, Gondomar e O Porriño xa se manisfestaron en plenos no seu día en contra destas instalacións na Serra do Galiñeiro. Así mesmo estes concellos e tamén o de Mos pediron en tempo e forma á Consellería de Medio Ambiente, Territorio e Infraestruturas que este proxecto sexa sometido á Avaliación de Impacto Ambiental, o que ocorreu antes do 4 de xaneiro. 

Onte, no pleno municipal de Mos, os tres partidos políticos con representación no concello votaron por unanimidade en contra da instalación do polígono eólico na serra do Galiñeiro. 

Esta plataforma leva feito unha ronda de charlas informativas nas distintas parroquías afectadas polo polígono eólico: enZamáns e Chenlo diron as primeiras explicacións dos pormenores da situación na que se atopa o desenvolvemento deste proxecto eólico. Este sábado 28 de xaneiro ás 7 da tarde será en Erville, no seu centro cultural.  

Este barrio da parroquía de Cela no concello de Mos será unha das poboacións máis afectadas pola infraestrutura xa que un dos aeroxeradores estaría a só 570 metros das vivendas e outros a menos de 1 quilómetro. Hai que ter en conta que algúns dos muiños que se instalarían en Zamáns afectarían moito máis aos veciños de Erville debido á que irían colocados máis preto desta poboación que dos veciños de Zamáns. 

Na seguintes semanas a plataforma “Pola Protección da serra do Galiñeiro” extenderá as súas explicacións ás asociacións de veciños de Navia e O Castro xa no concello de Vigo.

Premio OSIXENO 2011 para á Plataforma pola Proteción da Serra do Galiñeiro

A Plaforma pola Proteción da Serra do Galiñeiro recibíu o sábado 17 de decembro do 2011 o premio OSIXENO 2011 de mans de ADEGA.

A Asociación para a Defensa Ecolóxica de Galiza na reunión da súa Comisión Permanente do 14/12/2011 acordou conceder o PREMIO OSIXENO 2011 na categoría colectivo á millor actuación ou actitude ambiental do ano á Plataforma pola Proteción da Serra do Galiñeiro “pola súa adicación decidida e intelixente na defensa dos valores naturais e culturais dun territorio ameazado pola especulación e a cobiza das eólicas.”

O acto celebrouse en Arzúa no decurrir dunha cea de confraternización organizada por ADEGA no restaurante Casa Teodora. Ó remate da cea, á que asistiron unhas 50 persoas,  físoxe entrega dos premios OSIXENO E DIOXINA deste ano. No nome da Plataforma pola Proteción da Serra do Galiñeiro recolleu o premio Xosé Manuel-AGA, agradecendo o estímulo que este premio supón a un intenso ano de traballo e esforzo colectivo.

O premio consiste nun diploma enmarcado e nunha peza de cerámica do artesán Nacho Porto na que se pode ler: “Unha persoa diferente fai diferente o mundo”. As dúas pezas van a quedar instaladas na oficiña da Comunidade de Montes de Vincios para todo aquel que queira velas.

Queremos dar as grazas a ADEGA polo galardón, que nos da máis forzas na nosa loita.

Simulación do proxecto de parque eólico na Serra do Galiñeiro

A empresa TERRA DO VENTO, S. R. L., proxecta a construción dun parque eólico na Serra do Galiñeiro.

Esta empresa, pretende colocar 13 aeroxeradores de 3 MW cada un deles na nosa Serra (39 Mw de potencia),  O modelo de aeroxerador contemplado no proxecto é o VESTAS V-90, de 45 metros de radio de rotor e unha altura de buxe que pode estar comprendida entre os 90 e os 105 metros, é decir que a altura total estaría entre 135 e 150 metros. Preguntámonos si a “V” de VESTAS non debería ser unha “B”.

Aparte dos variados impactos que xeraría a construción destas BESTAS, o parque temén levaría aparellado o seguinte:

• Sistema colector e de transporte enterrado que permite o envio de enerxía a subestación transformadora do parque.
• Subestación de transformación.
• O centro de control do parque.
• Os viais de acceso a todas estas instalacións (5 m de ancho)

A Plataforma Pola Defensa da Serra do Galiñeiro, ven de facer unha simulación do que sería a construción deste parque eólico; o fin da Serra como a coñocemos e queremos. Aquí está:

 

CHARLA INFORMATIVA NA ESCOLA PARROQUIAL DE CHENLO

CHARLA INFORMATIVA

Domingo 27 de novembro ás 11 horas da mañá

Escola parroquial de Chenlo

Charla informativa da Plataforma pola protección da Serra do Galiñeiro. Falarase dos nosos obxectivos como plataforma, as actividades que facemos, e as ameazas ás que se enfronta a Serra como o proxecto de polígono eólico.

máis información no 620055347

Se che interesa o teu territorio NON O DUBIDES, VEN!!

RESUMO DAS XORNADAS “APROVEITAMENTO MULTIFUNCIONAL DOS MONTES VECIÑAIS”

Organizadas polo movemento social “Pola protección da serra do Galiñeiro”

Sábado 29 de outubro: Conferencias e mesa redonda.

XABIER SIMÓN E A SÚA INVESTIGACIÓN Profesor de economía ecolóxica na universidade de Vigo

 

EXPERIENCIAS PRODUTIVAS INNOVADORAS NOS MONTES COMUNAIS (EPIs)

 Considera que o primeiro problema ambiental de Galicia é a superficie queimada. Por riba da contaminación das rías e do efecto invernadoiro. E apunta outros problemas graves no monte galego: O monocultivo para a produción enerxética e a instalación de polígonos eólicos.

 Explica estes problemas co despoboamento do rural !!!

 Considera que hai futuro, e que ese futuro provén de ideas:

• Dinamizar as comunidades coa participación das persoas.
• Emprender actividades específicas para cada localidade.
• Tendo como horizonte a pervivencia da nosa cultura.

 A solución ao problema actual son as EPIs.

EXPERIENCIAS	PRODUTIVAS	INNOVADORAS
Persoas.Aldeas.Comunidades.COA XENTE, NON PARA A XENTE	Xestión do medioambiente.Xestión da agua.Xestión da alimentación.	Son sociais.Son cooperativas e non competitivas.Son especificamente locais.Están en rede. NO LOCAL, NON  NO  GLOBAL

Xornadas sobre Aproveitamento Multifuncional dos Montes Veciñais

Os próximos 28, 29 e 30 de Outubro, terán lugar unhas xornadas sobre Aproveitamento Multifuncional dos Montes Veciñais. O lugar de reunión será o Centro Cultural de Vincios nos seguintes días e horarios:

venres, 28 as 16.30 horas:

Visita guiada polos montes veciñais de Vincios-Gondomar

Lugar de reunión: Centro Cultural de Vincios

sábado, 29 as 18.00 horas

Lugar: Salón de actos do Centro Cultural de Vincios

PONENCIAS

. Experiencias produtivas innovadoras nos montes comunais

por Xavier Simón, profesor de Economía Ecolóxica na Universidade de Vigo

. Abellas e biodiversidade

por Xesús Asorey, secretario da AGA, Asociación Galega de Apicultura

. O man común. Outro xeito posible

por Santiago González, secretario da Comunidade de Montes de Mouriscados (Mondariz)

MESA REDONDA

Coa participación do público en xeral, técnicos e Comunidades de Montes Veciñais

POR UNHA XESTIÓN SOSTIBLE DOS NOSOS MONTES

CLAUSURA

A cargo do Presidente da Organización Galega de Comunidades de Montes,

Xosé Alfredo Pereira

domingo, 30 as 10.30 horas

Visita guiada polos montes veciñais de Couso-Gondomar

Lugar de reunión: Centro Cultural de Vincios

Teléfonos de contacto:

Xosé Manuel Docampo 665 10 60 32

Oficiña da Comunidade de Montes de Vincios: 986 46 96 92. O horario de oficiña é : de luns a venres de 9 a 14 horas e de 16 a 19 horas.

Vos esperamos…

Manifestación o próximo día 12.

Os cabalos ceibes no monte, tradición de centos de anos nos montes galegos, son arestora un elemento xenuíno da nosa paisaxe. Non só serven como desbrozadores do mato e por tanto aliados nosos na loita contra o lume, senón que grazas a eles pódese manter ese rito ancestral dos CURROS como demostran os moitos petróglifos que teñen ao cabalo como protagonista. 

Calquera medida que se poida tomar dende a Administración que poña en perigo a celebración desta festa, da “RAPA DAS BESTAS”, significa que nos arrincan algo que corre polas veas do noso pobo.´ 

Que a Xunta de Galicia leve adiante a súa pretensión da implantación obrigatoria do “MICROCHIP” aos cabalos do monte, sin aplicar as excepcións que a normativa europea que regula estes asuntos permite, é unha medida que atenta contra a pervivencias dos cabalos no monte e polo tanto dos curros. 

Non se trata, como din as asociacións de gandeiros, de que os cabalos non estean identificados, senón de que se continúe coas marcas e libros de rexistro tradicionais, e de que os cabalos estean asegurados de tal xeito que se poida responder de calquera perxuizo por eles ocasionado. 

Dende a PLATAFORMA POLA PROTECCIÓN DA SERRA DO GALIÑEIRO, que anceiamos un parque natural na serra, e esta chea de cabalos, apoiamos a manifestación convocada para o próximo día 12 pola ASOCIACIÓN DE GANDEIROS DA SERRA DA GROBA. A manifestación sairá da explanada do camping da ladeira ata a Virxe da Rocha.

A Plataforma pola defensa da Serra do Galiñeiro, vende 7 colografías feitas por Poldras.

A colografía é unha técnica de impresión en relieve que consiste na incorporación de elementos texturados que se adhiren a matriz, superficie sobre a que se realiza o grabado e que permite a súa impresión. para a obtención da imaxe. Ista pode ser unha prancha de metal, un trozo de madeira, etc. , antes de entintar. Unha vez entintada a matriz, a impresión realízase do modo habitual da impresión en relieve, xeralmente exercendo presión mecánica coa prensa ou en forma manual.

Xosé Poldras, doa a nosa plataforma 7 colografías numeradas da Serra do Galiñeiro, que poñemos a venta a un prezo de 50 euros. Si queres comprar algunha podes poñerte en contacto con nós enchendo este formulario.

Grazas